امتناع قبول التبليغ

Question

انا درت.دعوى دالنفقة وانا لي غنوصل الاستدعاء للمدينة لي فيها الزوج غنعطيها للمقدم اعطيها ليه
واش فالبلاصة كيردها ليا؟
ويلا امتنع الزوج انه اسني بانه.اتبلغ شنو الحل فهاد الحالة؟

Answer 1

رفض التوصل يعتبر بمثابة التبليغ الصحيح، أما إذا توصل المعني باللامر بالإستدعاء ورفض التوقيع فيعتبر ذلك تبليغا سليما ويشار في شهادة التسليم الى أن الشخص رفض التوقيع مع تسجيل هويته إذا أدلى ببطاقته الوطنية.

---

موقع محكمتي لا يضمن صحة هذه الإجابة.

موقع محكمتي يضمن الإجابات من الأعضاء المعتمدين فقط

Comments

واش يكفي اني انا ندي الاستدعاء للمقدم و لا الشيخ هو ابلغو
بلا مندير مفوض قضائي حيت غيطيح عليا غالي؟

---

شكراااا الاخ
داكشي لي غندير

---

القايد ولا المقدم مغاديش يشد من عندك الاستدعاء إلا يلاجاتهم عن طريق المحكمة فما عليك إلا التبليغ بواسطة المفوض القضاءى أو البريد المضمون

---

داكشي لي كاين بارك الله فيك
انا خارجة.مضروبة من الدار.بشهادة طبية قلت قلت ليه.اصرف على الولد ندخلو للروض قال الى بغيتيني نصرف على الولدوصيفطيه ليا انا باش.نصيفط.ليك معنديش ونتي راك فدار.باك هو.اصرف عليك مراكيش عندي و.سولي.على راسك
الله ياخذ الحق و صاااافي
عمري.شفت المحكمة كيف دايرة حتى.شفتها.بسبابو
اما باش.ندير مفوض غيطيح عليا غالي نديه.من.مدينتي لعندو وهو غير.فعروبية

---

بالفعل مؤخرا رفض القايد والمقدم تسلم الاستدعاء مني وقالو بالحرف ( احنا مخدامينش عندك ) وقالولي ديها المفوض هو لغاد يبلغها
احنا فالمدينة و ليس بالبادية

---

ف البادية راه القيادة، الشيخ والمقدم هما لي مكلفين بتبليغ الإستدعاءات وحتى الرسائل الخصوصية فبعض المناطق لي ما فيهاش الوكالات البريدية. أما ف المدينة، بالفعل التبليغ كيتم بواسطة المفوض القضائي (مقابل الأتعاب ديالو). بخصوص الرسالة المضمونة مع الإشعار بالتوصل، كتكون غير إلا كان الأمر كيتعلق بتبليغ الإشعار، أما الإستدعاءاءات لابد من المفوض القضائي باش يرجع لك شهادة التسليم.
على كل السيدة لي كنهدرو عليها، الله يكون معاها، خاصها تمشي تحط الإستدعاء فمكتب القائد ف البادية وترجع من بعد يومين تشوف واش المدعى عليه تسلم الإستدعاء، إلا كان تسلم فعلا، راه غادي يعطيوها شهادة التسليم موقع عليها وفيها الطابع ديال القيادة وديال الشيخ.